МУНИЦИПАЛЬНОЕ БЮДЖЕТНОЕ УЧРЕЖДЕНИЕ "ЧЕРИКТЕЙСКИЙ ЦЕНТР ДОСУГА "САНДАЛЫ" МУНИЦИПАЛЬНОГО ОБРАЗОВАНИЯ "ЧЕРИКТЕЙСКИЙ НАСЛЕГ"

Бөһүөлэк төрүттэммитэ 65 сыла,2017 сыл

Бөһүөлэк төрүттэммитэ 65 сыла

Чэриктэй бөһүөлэгэ тэриллибитэ 65 сыла.

Быйыл биир улахан тэрээһин Чэриктэйбит бөһүөлэгэ төрүттэммитэ 65 сылын бэлиэтээһин буолла. 1952 сыл бу кырдалга Чэриктэй бөһүөлэгин тутуу саҕаламмыта. Бөдөҥсүйүү – бу сэрии кэнниттэн эйэлээх олох бастакы хардыыта. Ыһыллан олорор дьону биир сиргэ түмүү. Ону биһиги төрөппүттэрбит, дьоммут саҕалаабыттара, туппуттара. Биһиги, сэрии кэнниттэн төрөөбүттэр, дьоммутун кэриэстээн, түмсүөх тустаахпыт диэн туран эрдэ былааннаммытын курдук, балаҕан ыйын 2-3 күннэригэр ыытылынна. Бастакы тэрээһини аҕам саастаахтар (бөһүөлэк тутулларыгар, бөҕөргүүрүгэр үлэлээбиттэр) көҕүлээн, тэрийэн ыыттылар, аны биэс сылынан бэлиэтэнэрин курдук эстафета палочкатын кэлэр көлүөнэҕэ үөрүүлээх быһыыга туттардылар.

Ыччаттарбыт, оҕолорбут дойдуларынан, дьоннорунан киэн тутуннунар диэн санааттан, патриотическай өйү-санааны иитэр үлэни ыытар сыалтан, хас тэрилтэ дьиэтин аайы быыстапка бэлэмнэнэн турда. Сарсыарда эрдэттэн нэһилиэк дьонун, олоҕун кэпсиир радиорепортаж холбонно.
Аҕа ууһунан параадтаан, ыһыахтыыр сиргэ тиийэн нэһилиэкпит баһылыга Гавриил Гаврильевич Босиков эҕэрдэтинэн, торжественнай чааһа бэрт сэргэхтик аһылынна. Үөрүүлээх быһыы кэмигэр аймаҕынан мустан, бөһүөлэк тутуллуутугар, сайдыытыгар киллэрбит үлэлэрин сырдаттылар, бар дьоннорун аҕыннылар анал бэлэхтэрин наҕараадаларын туттартаатылар.
Соловьев Андрей Петрович – «Хамыырдаах Өндөрөй» бирииһигэр аймахтара,оҕолоро аттаан сүүрүүгэ алын кылаас сүһүөх оҕолоругар анаан күрэхтэһии ыытыллынна.
Киэһээ өттүгэр культура дьиэтигэр «Ырыа куттаах Свешниковтар» — дьиэ кэргэттэригэр анаан ырыа күрэҕин түһүлгэтэ ыытыллынна.Бу күрэххэ тоҕус кыттааччы кыттан, Гран – при үрдүк аатын «Сандалы» группа солиһа Семен Ущницкай ылыан ылла.

Добавить комментарий

Ваш адрес email не будет опубликован. Обязательные поля помечены *

Можно использовать следующие HTML-теги и атрибуты:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>